ალბანეთში მიმდინარე U20 ძალოსანთა ევროპის ჩემპიონატზე საქართველოს ნაკრების წევრი გიგა ოდიკაძე ატაცში ოქროს მედლის მფლობელი გახდა. ქართველმა სპორტსმენმა 118 /121 კილოგრამი დაძლია და ევროპის ჩემპიონობის ტიტული მოიპოვა, ასევე დაამყარა ევროპის ახალი რეკორდი.

აკვრაში ძალისანმა 137/142 /145 კილოგრამის დაძლევით ბრინჯაოს მედალი მოიპოვა, ხოლო ორჭიდში დაგროვილი 266 კილოგრამით გახდა ვერცხლის პრიზიორი.

ჩემპიონობის გარდა, ოდიკაძემ გააუმჯობესა საკუთარი საქართველოს რეკორდები — ატაცში 3 კილოგრამით, ხოლო აკვრაში 5 კილოგრამით.

ოლიმპიური ცენტრის სახელით გიგას და ჩვენი ცენტრის ძალოსნობის მთავარ მწვრთნელს ბატონ ზურა ანთაურს ვულოცავთ ამ მნიშვნელოვან გამარჯვებას!